NORDDAL  IDROTTSLAG - eit viktig begrep i bygdehistoria

HISTORIE      TILBAKEBLIKK     ARKIV      SKIMINNER       HYTTEBØKENE

Norddal idrottslag som vart starta i 1930 hadde sin gullalder etter krigen. Spesielt var vinteridrotten viktig med både langrenn, hopp og alpint. Men spesielt var alpinaktiviteten viktig, dette var slalåm, storslalåm og utfor. Laget hadde på det meste 20-30 aktive både kvinnlege og mannlege alpinistar. Medlemmane deltok  i renn lokalt, på fylkesplan, men også i nasjonale renn, som NM og andre med gode resultat. Laget arbeidde fram fleire løyper i bygda som var mykje brukte fram til 70-åra då aktiviteten minka pga. utflytting m.m.        Det er ikkje mykje lesestoff å finne om idrettslaget. Anna enn avisreferat og artiklar. Difor har det meldt seg ynskje om å få lese noko om hundreårshistoria til laget. Difor  er innsamling av stoff viktig, tekst og bilde, slik at det kan produserast ei bok eller hefte om idrettslaget vårt. Eg har laga ei billedbok på 74 sider med glimt frå ei flott tid med mange fine konkurransar og sosialt samver med skifolk i mange samanhengar. Der også miljø på turar i nærmiljø og anna er med. Det vart trykt berre nokre eksemplar av denne då ho vart så stor og difor dyr. Boka er ikkje trykt for sal lenger, men er å finne mellom nokre "gamle" og gode skikameratar. Også idrettslaget fekk boka.

   

Laget som vart nystarta og ordentleg organisert i 1930,  var ei reorganisering av det som vart kalla "gamlelaget". Frå då vart det ført lagsprotokoll med val, årsmeldingar osb, sjå lenger nede Som eit førebels tilbakeblikk kan noko av NIL-historia trekkast fram her. Skal ein gi eit meir seriøst tilbakeblikk av den gode historia til NIL, må det leggast meir arbeid i saka. Det kan kanskje kome etterkvart. Vi er forresten ei lita veterangruppe i laget som så smått har teke til å samle stoff og bilde til det som kan bli ei bok eller noko. Det sitjande styre har stilt seg velviljuge til saka, men lenger enn det er det ikkje kome (juni 2024)      Eksempel på oppsett av styra	Glimt frå NIL-historia
	Vi har ikkje bilde av så mange av dei fyrste som var med i starten av laget. Vi tar med nokre representantar, fleire kan kome etterkvart. Syskenbarna Arne og Lars Storås var sentrale ved  oppstarten av, og i den fyrste tida. Lars var 1. formann etter starten av laget i 1930. Og var i mange år ein aktiv deltakar i fleire  idretts-greiner.  Arne var formann i laget under heile  krigen og seinare , og elles alltid med. Begge budde sentralt ved Kyrkjemyra, der mykje av aktiviteten den fyrste tida gjekk føre seg.       Hjalmar O. Hatlestad kom med litt seinare. Er rekna som alpinsportens innførar i Norddal, og elles kjend som aktiv NIL-medlem, spesielt i idrettsmerkesaka

Dette er dei første linjene i prokollen til idrettslaget etter nystartinga i 1930. Det skulle drivast både sommar-  og vinteridrett.  Noko som skjedde i åra som kom, men vinteridretten skulle bli vikigast i  periodar   i lagets historie		Eitt av dei fyrste skirenna med rette startnummer og organisering for gutane. Dette er langrenn på Ihljåsa (Lilleås) ein gong i 1930-åra, og truleg  kanskje lagsmeisterskap - som i alle år var vesentleg

Like etter krigen, rundt 1950 starta bygginga av den populære skihytta Her er vi i 1953, den fyrste delen er ferdig, men utan bordkledninga, slik at vi ser dei kraftige tømmerveggane. Som er røykstova som vart teka ned i Jørengarden i Dale. Frakta opp hit på Selhaugen ovanfor Rellingsætra. Og sett opp på dugnad av idrettslaget og bygdefolket. Seinare (1956) kom soveromsdelen. Dette har vore ei utruleg populær og nyttig hytte, til idrettsarbeid, men og som sosial møteplass. Hytta er velstelt og like fin i dag, i 2024

            .................ARKIV..............................................................................................................................................................................................................

	....... til fjells med ski og ryggsekk på skuldrane er historisk Denne sida er ikkje eit off. arkiv for Norddal idrettslag. Staden her blir brukt under førebuinga av ei ønska 100-års bok om  historia til laget. Stoffet er fyrst og fremst tiltenkt dei som vi med eit lite smil har kalla NIL-kameratane. Det er alle dei  eldste medlemane i idrottslaget, og som har eit sterkt ynskje om at historia til det vesle, men likevel kjende idrettslaget blir teke vare på. Stoffet på denne sida  er berre vanlege referat frå styre- og lagsarbeidet, som elles er opne for folk på vanleg måte. Dessutan kan vi legge inn resultat av bokarbeidet, meldingar og tilvisingar til aktuelle opplysningar. Vi ber om vanleg respekt i bruken av stoffet, som vil skifte over tid
	Styreref. NIL 1930-35.pdf       NIL 1981-82.pdf       NIL 1983-85.pdf      NIL 1986-87.pdf        NIL 1987-89.pdf       NIL 1990-92.pdf NIL formenn og styre.pdf (korrigert 12.5.24)