SKIMINNER m.m.
SKIBILDE
SKIFESTIVALEN
SKILEIK SKÅLARENNA
SULARENNA
| Ski
var ein viktig del av barne- og ungdomstida. Eg var så heldig å vekse
opp i skibygda Norddal på Sunnmøre.
Aktiviteten i bakkar, løyper og på fjellet har vore stor gjennom
tidene. Etter krigen var det mykje barn og ungdom i bygda, friluftslivet var
aktivt med ein
ekstra topp på 50 og 60-talet. Norddal idr.lag
kunne stille med eit 30-tals aktive alpinistar (slalåm etc.), noko som var mange frå ei lita
bygd. Vi deltok på renn i distriktet og vidare
med gode resultat. Sosialt og sportsleg var dette ei flott tid. Og skiløparane var tru mot heimbygda
si. Etter flytting til skule og arbeid var Norddal i.l. heile tida klubben
vår. Men det var ikkje berre
slalåm. Fjellturar på ski,
spesielt om våren og sommaren, sit sterkt i minnet. Under fylgjer eit
lite knippe med skiminner. (Er du litt tolmodig, vil du kanskje få fleire bilete etterkvart) |
 |
 Nokre NIL-veteranar fotografert i 2007 under framsyning av klede og skiutstyr som vi brukte, og leika oss i, i 1950/60-åra. Dette er også ski-og kulturhistorie  |
| Magne i ein
flott salto i Sundsvall, Sverike i samband med utforrenn der, som han vann |
Bilde frå ei veteransamling, med tidlegare aktive NIL-alpinistar. Vi er
på skihytte nr. 2 på Litleåsen (som det heiter no). Ei svært triveleg samling april 2017..........! |
 Veteranrenn på Litleåsen for nokre år sidan. NIL-veteranar og skivener er ferdig med første omgang i slalåm. Og ventar kanskje på neste løpar i løypa. Og så klare for andre omgang. Fint og sosialt miljø for skientusiastar  Og slik kunne det også gå før i tida ! På Standal i reine finevêret |
 I
1950-åra var aktiviteten i bygda stor for alpininteresserte barn og ungdom.
Fleire renn gjekk kvar vinter, og avisene var flinke til å
rapportere desse. Og difor kan gamle avisutklipp dukke opp |
| Her er vi i Blåfjellsida på Geirangerfjellet. Det er Skifestival Geiranger truleg midt i 1960-åra. Tida er helga i månadsskiftet juni/juli, på same tid i mange år. NIL var medarrangør frå 1959, og ansvarleg særskilt for avviklinga av storslalåmrennet. Som vi ser lite snø her, noko som forverra seg med åra, og som medvirka til at Festivalen vart lagt ned i slutten av 60-åra. Her har vi fått nok snø til å få til eit storslalåmrenn, etter mykje innsats. Men det gjekk bra mellom ur og fjellknausar | Norddal idr. lag
(NIL) hadde utforløype like utanfor skihytta på Rellingsætra. Løypa gjekk frå myrane og opp bak Kvithaugen, kanskje var ho 1,5 km. Ho måtte trakkast i 3 skibreidder, noko som var litt av eit arbeid, men gav god trening for lårmusklane. Her er lokale kjendisar i gang med trakkinga, og har langt igjen opp gjennom skogen og bak til venstre |
 |
 |
 |
| Nokre NIL-alpinistar må vi
ha med i aksjon. Her er Per Jostein i fullt driv i eit slalåmrenn på
Bondalseidet i Ørsta i 1960-åra. Vi ser at det er godt trykk på ytterskia her. Resultat ukjent |
Oddvar i perfekt balanse under ei av treningane våre. Skitreningane måtte skje i dagslys, og stort sett berre i helgane, pga. skule eller arbeid. Men etter at vi fekk lysløypa på Innset vart det betre | Ivar (grunneigar) har full kontroll over siste kulen i den krevjande lysløypa for slalåm i Blåbærbakken på Innset. Den 600 m lange løypa fekk godt flomlys rundt 1959, og vart flittig brukt i nokre få år berre pga. færre alpinistar i bygda |
|
Der er utruleg med bilde og minne ein kunne trekt fram frå eit aktivt og langt ski- og idrettsliv i NIL. Som hadde si blomstringstid i etterkrigsåra, fram til 1970-åra då det av ulike grunnar minka på aktiviteten. Men det er ikkje plass til så mykje her, så vi får skifte og ta litt etter litt |
 |
 |
 |
| Hopprenn
i Skifestival Geiranger ved Djupvatnet. Geiranger idrettslag var arrangør, og gjorde eit fenomenalt arbeid for å få til hoppbakke her,
1200 moh. Dette er i månadsskiftet juni/juli, men godt med snø og masse
publikum Skaala |
Blide skijenter frå NIL, truleg på eit sommarskirenn. Dei to til høgre er Åsta og Bibbi, til venstre Gerd Sandnes, Ørsta | Lettkledde slalåmløparar på Trollstigen rundt18. juni 1950-åra, i sol og godt med snø. Frå v: Asbjørn Linge, Anja Breien, to ukjende. Det var alpinkurs og storslalåm i juni i mange år, både her, i Stryn og i Geiranger |
 |
Ørsta idr.lag var store i dei gylne alpinidrettsåra etter krigen. Som tittelen på heftet ved sida av seier, arrangerte Ørsta i.l. Skålarenna mange år etter krigen. Skåla (Vikeskåla) ligg rett opp for Ørsta sentrum, og kan berre nåast på beina. Det er ein dalbotn med fjell ikring, men med fint og kuppert terreng for den alpine idretten. Her gjekk kvart år slalåm-og/eller storslalåmsrenn, til nyløypene på Bondalseidet med skitrekk vart ferdige. Det var gode snøforhold i Skåla, men alle løypene måtte på den tid sjølvsagt trakkast manuelt. Eldar Lingås i Ørsta har skrive eit lite fint hefte om denne tida. NIL-løparar var flittige gjestar her. Og nokre av sidene i heftet, som spesielt er av interesse for norddalingane får du fram ved å klikke på heftet |
SULARENNA Sularenna vart arrangert av Sportsklubben Rollon. Det var lengst hopp og langrenn som var konkurransane. Storslalåm kom seinare. Her var NIL- alpinistane med mange gonger. Rollon har skrive ei bok om Sularenna m.m. Berre litt kjapt er nokre sider av denne boka scanna, det er kanskje behov litt meir nøyaktig oversyn over denne boka seinare. Du kan gjere oppslag på dei scanna sidene HER Sulahalvøya ligg rett over fjorden for Ålesund, og der har også Rollon ei hytte, bygt tidleg på 1900-talet |
 |
 |
På bildet over står ein jeng alpinistar
utanfor Rollonhytta på Sula. Truleg etter at rennet er ferdig, og no ventar dei på eventuelle premiar. Det var vanleg å få til premieutdelinga på rennstaden straks etter rennet. Det var ikkje alle som var like flinke til det. På andre renn, spesielt laurdagsrenn, kunne det vere meir høgtidleg premieutdeling på ein fest om kvelden med dans, eller på ei kunngjort tid f.eks. i sentrum (som på OL). Gruppa her er NIL-løparar med innslag av Jon Strand frå Oppdal/Volda læraraskule, og ein ivrig støttespelar frå byen På bildet til venstre ser vi Torbjørn Nerhus på eit Sularenn i konsentrert portpassering. Landskapet er ikkje altfor bratt, det manglar elles større flagg på portstikkene |
|
SKIFESTIVAL
GEIRANGER PROGRAM SKILEIK 1966 |
 |
|
Ei skisse av Geirangerfjellet der stadane for
skirenna er plasserte. Dette omrdet er eit skildorado om sommaren
så lenge snøen er her. Straks etter vegopninga er landskapet ope for besøkande. Her var det den populære og kjende Skifestival Geiranger arrangerte renna sine i 1950/60-åra i månadsskiftet juni/juli for nasjonale og internasjonale løparar. Det var stor publikumstilstrøyming og eit yrande liv her desse åra. Men snøforholda var vekslande, og alle år ikkje like gode. Men i ettertid blir desse åra svært gode minne. Og Norddal idr.lag var medarrangør frå 1959 |
 |
|
|
Eit
program frå Festivalen i 1964 viser at det var funksjonærar frå
Geiranger og Norddal. Samarbeidet mellom idrettslaga tok til i 1959 og varte ei10-årstid. Stranda idr.l. kom med siste åra. Kjenner ikkje til tida for dette Skileik |
 |
|
| 5 spreke
norddalingar som leikar seg mellom arbeidsøktene. Bildet er henta frå
ein artikkel i Vi Menn i juni 1966, bladet inviterte norddalingane til å
vere med i ein reportasje om skikøyringa på Geirangerfjellet. Siste veka
i juni var det elles arbeid og førebuing til Skifestivalen som gjekk i
månadskiftet juni/juli ei 10-årstid her. Bak Magne er Ivar G., Åsta i kvitt, Per Jostein bak ho, og Arne Geir til høgre for ho. Strålande friskt bilde dette, rikeleg med snø - og sol og badebukse, og god reklame for NIL |
(Meir stoff frå Skifestivalen kan kome etterkvart) |
Eit friskt og godt bile av Jon Reidar Dale under eitt av skifestivalrenna. Bildet er henta frå ei avis eller løpsprogram. Når bilde blir henta frå eit papirtrykk vert det vanskeleg å gi att skikkeleg. Eg trur kanskje bildet er teke av fotograf, f.eks. frå Sunnmørsposten. Men dei seier at arkiva frå 1960-talet var dårlege, og det som var, vart sendt til Sunnmøre museum for digitalisering. Dersom nokon har ide om kvar eit betre bilde er å finne, ta gjerne kontakt |
 |